Braziliya terma jamoasi ustozi Karlo Anchelotti "Real" hujumchisi Endrik 2026 yilgi jahon chempionatida ishtirok etish imkoniyatini oshirish uchun qanday qadamlar qo'yishi kerakligini aytdi.

"Biz u bilan mavsum boshida, jarohatidan tiklanayotganida gaplashgan edik. Hozir u o'ynashga tayyor va u atrofidagilar bilan birgalikda rivojlanishning qaysi varianti unga maqbul ekanligini aniqlashi kerak. Endrik juda iste'dodli va hali yosh, uning oldinda bir nechta jahon chempionati bor. Ammo eng yaqinida ishtirok etish uchun u muntazam o'ynashi va o'z darajasini ko'rsatishi kerak," - deya Anchelottining so'zlarini keltiradi Placar.

19 yoshli forvard joriy mavsum "Real" safida atigi 1 ta o'yinda maydonga tushdi va 11 daqiqa harakat qildi.