"Manchester Yunayted"ni boshqarayotgan portugaliyalik murabbiy Ruben Amorim "qizil iblislar"ning kelajakdagi maqsadlari haqida gapirdi.

"Klubning yaqin yillar uchun jiddiy maqsadi bor. Biz chempionlik unvonini qo'lga kiritishimiz kerak. Bunga erishish uchun qadam-baqadam harakat qilamiz. O'z ishimizni qilamiz va o'yinlarda g'alaba qozonamiz," - deya mutaxassisning so'zlarini keltiradi mankunianliklar klubi matbuot xizmati.

Angliya Premer-ligasining yangi mavsumida "qizil iblislar" o'z maydonida "Old Trafford"da Londonning "Arsenal" klubiga qarshi bahs olib bordi. Amorim shogirdlari 0:1 hisobida minimal muvaffaqiyatsizlikka uchradi.