"Milan"da Massimiliano Allegrining yordamchisi bo'lib ishlayotgan Marko Landuchchi yarim himoyachi Luka Modrich haqida fikr bildirdi.

Shanba kuni 40 yoshli xorvatiyalik futbolchi "rossonerilar"ga "Udineze" ustidan yirik hisobda g'alaba qozonishga (3:0) yordam berib, 81 daqiqa o'ynadi.

"Uning qanday futbolchi ekanini hamma biladi, lekin men Lukadagi insoniy fazilatlarni ta'kidlamoqchiman. U juda kamtar, haqiqiy chempion. U o'zini butunlay ishga bag'ishladi. Modrich yoshlar kabi mashg'ulotlarni davom ettirmoqda, u jamoadagi barchaga namuna. Bu aql bovar qilmaydigan narsa," - dedi Landuchchi DAZN’ga bergan intervyusida.

Luka Modrich "Milan"da ilk mavsumini o'tkazmoqda. Avvalroq, xavbek Madridning "Real" klubida o'ynagan.