"Milan" bosh murabbiyi Massimiliano Allegri "rossonerilar"ning "Komo"ga qarshi o'yini Avstraliyada o'tkazilishi haqida fikr bildirdi.

"Har qanday echimga moslashamiz. Asosiysi, hammasi tezroq hal bo'lsin. Asosiysi uch ochko olish", - dedi Allegri A Seriya doirasidagi "Piza"ga qarshi o'yin oldidan o'tkazilgan matbuot anjumanida.

Eslatib o'tamiz, avvalroq ushbu o'yinning Avstraliyaga ko'chirilishiga "Milan"ning bir qator futbolchilari qarshi chiqqan edi. "Milan" - "Komo" uchrashuvi 2026 yilning fevraliga belgilangan. Uchrashuv joyi Avstraliyaning g'arbiy qismidagi Pert shahri bo'lishi kerak.