Himoyachi Alfonso Devis Kanada terma jamoasining Jahon chempionatidagi birinchi uchrashuvida maydonga tusha olmaydi. Bu haqda jamoa bosh murabbiyi Jessi Marsh ma'lum qildi.

Ma'lumki, Devis mushaklaridagi jarohat tufayli 2025/2026 yilgi klub mavsumining yakuniy qismini o'tkazib yuborgan edi. Futbolchi hali to'liq sog'ayib ulgurmagan.

“Kecha biz MRT qildirdik. Juda ijobiy belgilar bor: Devis yaxshi tiklanmoqda, u deyarli tayyor. Biz uning mashg'ulotlardagi yuklamasini oshirishga tayyorgarlik ko'ryapmiz. Umid qilamizki, yaqin kunlarda bu jarayon tezlashadi va u guruh bosqichida maydonga tushishga ulguradi”, — dedi Marsh matbuot anjumanida.

Kanada — Bosniya va Gertsegovina uchrashuvi 12 iyun kuni bo'lib o'tadi.