David Alaba klubdagi so'nggi o'yinidan so'ng «Santyago Bernabeu» tomoshabinlari bilan xayrlashdi. Avstriyalik futbolchi La Liganing so'nggi turi doirasida «Atletik Bilbao»ga qarshi kechgan bahsning 70-daqiqasida zaxiraga olindi. Uchrashuv «qaymoqranglilar»ning 4:2 hisobidagi g'alabasi bilan yakunlandi. Final hushtagidan so'ng Alaba mikrofon orqali muxlislarga xayrullashuv nutqini so'zladi.

«Men uzun nutq tayyorlamagandim, ozgina xijolatdaman. Barcha yillar va qo'llab-quvvatlaganingiz uchun rahmat aytmoqchiman. Og'ir jarohatni boshdan o'tkazdim, shu sabab kutganimdan kamroq o'ynadim, lekin siz doim yonimda bo'ldingiz. Hammasi uchun sizdan minnatdorman. Siz abadiy qalbimdasiz. Hala Madrid!» — deya 33 yoshli futbolchining so'zlarini Madrid Xtra nashri keltiradi.

David Alaba 2021 yildan beri «Real» sharafini himoya qilib kelayotgan edi.