Himoyachi Renan Lodi "Atletiko Mineyro" bilan shartnoma borasida kelishib oldi, deya xabar bermoqda insayder Fabritsio Romano.

Bitim besh yilga mo'ljallangan. Sentyabr oyidan beri 27 yoshli braziliyalik futbolchi Saudiya Arabistonining "Al-Hilol" klubi bilan shartnomasini bekor qilganidan so'ng erkin agent maqomida bo'lib turibdi.

U bungacha "Atletiko", "Nottingem Forest", "Marsel" va "Atletiko Paranaense" klublarida o'ynagan. Braziliya terma jamoasi safida Lodi 19 ta o'yinda maydonga tushib, birorta ham gol urmagan.