Yaqinda markaziy himoyachi Manuel Akanji "Inter" futbolchisiga aylandi. Italiya klubiga o'tish haqida futbolchining o'zi fikr bildirdi.

"Men uchun "Inter" Italiyaning eng katta klubi va dunyodagi eng yaxshilaridan biri, u buni so'nggi yillarda isbotladi. Bu tanlovni amalga oshirish men uchun juda oson kechdi," - dedi Akanji.

Shveytsariyalikning qo'shimcha qilishicha, "neradzurrilar" ketma-ket ikkinchi marta Chempionlar Ligasi finaliga chiqishga qodir, ammo bu safar chempionlikni qo'lga kiritish kerak.

Akanji "Manchester Siti"dan ijara asosida "Inter" safiga qo'shildi. U joriy mavsum yakuniga qadar Italiya A Seriyasida to'p suradi.