Kundega Angliyaning yana bir top-klubi «sovchi qo'ymoqchi»

Angliyaning «Liverpul» klubi boshqa top-klublar da'vogarlik qilayotgan «Sevilya» himoyachisi Jyul Kunde uchun kurashga qo'shildi.

23 yoshli markaziy himoyachiga «Real», «Barselona», «Chelsi» va «Manchester Yunayted» klublari qiziqish bildirmoqda. Fichajes nashriso'zlariga ko'ra, «Liverpul» ham frantsiyalik futbolchini qo'lga kiritish uchun kurashga tayyor.

O'tgan mavsum oxirida ham «Chelsi» Kundeni qo'lga kiritish uchun harakat qilib ko'rgan, biroq futbolchi «Sevilya»da qoldi. Qayd etilishicha, ispan klubi o'z futbolchisi uchun 80 million evrodan ko'proq talab qiladi.

Jyul Kunde joriy mavsumda barcha musobaqalarda 30ta o'yinda maydonga tushib, 1ta gol urgan.