Ikrom Aliboevning goli OChL tarixidagi eng chiroyli gol bo'lishga da'vogarlar orasida yarim finalga yo'l oldi

Osiyo futbol konfederatsiyasi Osiyo chempionlar ligasi tarixidagi eng chiroyli golni aniqlash bo'yicha o'z saytida so'rovnoma o'tkazmoqda. Ushbu so'rovnomada o'zbekistonlik Ikrom Aliboevning goli ham qatnashmoqda. 

Uning 2018 yil Toshkentning "Lokomotiv" klubi safida "Al-Vahda" darvozasiga maydon markazidan turib kiritgan goli yarim final bosqichiga yo'l oldi. Endilikda Aliboevning goli finalga yo'l olish uchun Saud Haririning "Al-Ittihod" - "Al-Vahda" o'yinida kiritgan goli bilan bellashadi. Quyidagi HAVOLA orqali hamyurtimiz Ikrom Aliboevning goliga ovoz berishingiz mumkin.   Ikkinchi yarim finalda eronlik futbolchi Andranik Teymuryanning 2013 yil "Buriram Yunayted" - "Istiqlol" uchrashuvida kiritgan goli Abdulaziz Al-Dousariyning  "Al-Ittihod" - "Al-Hilol" o'yinidagi goli bilan bellashmoqda.