Neymar bugun mashg'ulotlarga kirishadi

23 yanvarda jarohati qaytalanib safdan chiqqan "PSJ" hujumchisi Neymar tiklanishda davom etmoqda.

Frantsiya klubining rasmiy sayti xabariga ko'ra, 27 yoshli futbolchi bugun, 3 aprel kuniyoq mashg'ulotlarga kirishadi. Shifokorlar undan kerakli test oladilar. Klubi shifokorlari ikki hafta davomida Neymarni to'liq tibbiy teshiruvdan o'tkazadilar va uning holati haqida ma'lumotga ga bo'ladilar.

Frantsiya Kubogida "Strasburg" bilan o'yinda jarohatini qaytalab olgan braziliyalik futbolchi operatsiyadan qutilib qoldi va konservativ davolash kursini o'tamoqda. Neymar o'tgan mavsumda ham xuddi shunday jarohat bilan uch oyni o'tkazib yuborgan edi.

Neymar ushbu mavsumda Frantsiya chempionatining 13 o'yinida 13 ta gol urib, 7 ta golga to'p oshirgan.