Dostonbek Hamdamov: «Sobiq jamoamga qarshi o'yinda hayajon bo'ldi»

"Paxtakor" safida debyut golini nishonlagan Hamdamov o'yin haqida taassurotlarini aytib o'tdi.

“Birinchi golimni urganimdan xursandman. "Bunyodkor"da tarbiyalandim. Sobiq jamoamga qarshi o'ynashda hayajon bo'ldi.

Ko'pchilikni yaxshi taniyman, jamoa o'yin uslubidan xabardorman. O'z navbatida ular ham meni yaxshi bilishadi. O'yin qiyin kechdi deb o'ylayman.

Gol urgan taqdirimda uni nishonlamasligimni o'zim uchun oldindan bilardim. Shu sababli to'pni darvozaga kiritganimda buni xotirjamlik bilan qabul qildim. 

"Bunyodkor" bugun yaxshi o'ynadi. Jamoani tajribali murabbiy boshqarmoqda. Abramov o'z o'yin uslubiga mos keladigan yigitlarni tanlab olgan. Ular jiddiy qarshilik ko'rsatishdi. Mavsum davomida jamoa o'zini ko'rsatadi deb o'ylayman”, - deydi Hamdamov.