«Buyuk ipak yo'li». O'zbekistonlik bokschilarga ikkinchi o'rin nasib qildi

Bugun Ozarbayjon poytaxti Boku shahrida boks bo'yicha "Buyuk ipak yo'li" xalqaro turniri yakunlandi.

Musobaqada To'lqin Qilichev boshchiligidagi o'zbekistonlik charm qo'lqop ustalari 3 ta oltin, 2 ta kumush va 3 ta bronza medalini qo'lga kiritib, umumjamoa hisobida ikkinchi o'rinni egalladi.

Bu borada birinchi o'rin mezbon - Ozarbayjon terma jamoasiga nasib qildi - 4 ta oltin, 3 ta kumush, 7 ta bronza. Kuchli uchlikka esa 1 ta oltin, 5 ta kumush va 2 ta bronza medali qo'lga kiritgan qozog'istonlik charm qo'lqop ustalari yakun yasashdi.