Manba: Jaloliddin Masharipov faoliyatini Angliya chempionatida davom ettirishi mumkin

O'zbekiston milliy terma jamoasining hujumkor yarim himoyachisi Jaloliddin Masharipov yozda ingliz klubiga o'tishi mumkin. Bu haqda UPL nashri o'z manbalariga tayangan holda xabar bermoqda.

28 yoshli "An-Nasr" futbolchisi Buyuk Britaniyaning "Xall Siti" klubiga o'tishi mumkin. Futbolchini Angliya klubi bosh murabbiyi Shota Arveladze o'z jamoasida ko'rishni istamoqda. Bungacha ular Toshkentning «Paxtakor» klubida birga ishlagan.

Malumot uchun, «Xall Siti» ayni paytda Chempionshipda o'ynaydi. Klub 33 o'yindan so'ng, 34 ochko to'plab, turnir jadvalida 20-o'rinda bormoqda.

Arveladze ingliz klubi boshqaruviga shu yilning 28 yanvar kuni keldi. Shota qo'l ostida "Xall Siti" 6 o'yinda maydonga tushib, 1 g'alaba, 2 ta durang va 3 ta mag'lubiyat qayd etdi.

Ma'lumot o'rnida, Jaloliddin Masharipov joriy mavsum Saudiya Arabistoni chempionatida 17 ta o'yinda maydonga tushib, 3 ta golli uzatma muallifiga aylangan. Transfermarkt portali futbolchining narxi 3 million evroga baholanmoqda.