«Lokomotiv» – «Andijon» uchrashuvi qaerda bo'lib o'tishi ma'lum

Ma'lumki, 5-6-7 aprel kunlari Superligada 3-tur uchrashuvlari o'tkaziladi.

Navbatdagi turni “Lokomotiv” mehmonda “Andijon”ga qarshi o'tkazishi lozim edi. Biroq Andijondagi stadion mavsumga to'liq tayyor bo'lmagani bois “Andijon” futbol klubining iltimosiga ko'ra o'yin Toshkentga ko'chirildi.

O'yin Toshkentga ko'chirilganini PFL tasdiqladi va tashkilot rahbariyati bu haqda qaror qabul qildi. Shunday qilib Superliganing 3-turidan o'rin olgan “Lokomotiv” – “Andijon” bellashuvi 4 aprel kuni “Lokomotiv” stadionida bo'lib o'tadi va 18:00da boshlanadi.

Aslida bu uchrashuv Superliga taqvimiga ko'ra 5 aprel kuni bo'lib o'tishi lozim edi, biroq shu kuni “Paxtakor” o'z maydonida o'ynashi sababli PFL “Lokomotiv” – “Andijon” bahsini 4 aprelga belgiladi. Mazkur uchrashuvda “Lokomotiv” maydon egasi sifatida to'p tepadi.