Menda shaxsiy printsiplar mavjud – Joze Mourinodan navbatdagi bayonot

“Manchester Yunayted” sobiq murabbiyi Joze Mourino iste'fosi bo'yicha rasmiy bayonot berdi.

“Men “Manchester Yunayted” ramzi tushirilgan kiyimni kiygan kunimdan boshlab, qattiq g'ururni his etdim. Muxlislar buni tushunishgan deb o'ylayman.

Avvalgi klublarda bo'lgani kabi, bu erda ham ajoyib insonlar bilan birga ishladim. O'ylaymanki, ulardan ayrimlari mening bir umrlik sodiq do'stimga aylanishadi.

Sizlar mening professional tamoyillarim haqida yaxshi bilasiz, Menda shaxsiy printsiplar mavjud. Har qaysi ishni yakunlagandan so'ng o'zimning chuqur hurmatimni ko'rsataman va hech qachon sobiq hamkasblarim haqida yomon gapirmayman.

Umid qilamanki, OAV mening pozitsiyamga hurmat bilan yondoshadi va qayta ishlashni boshlagunimga qadar oddiy hayot kechirishimga ruhsat beradi”, – degan Mourino bayonotida.