Shota Arveladze: Stadionga ko'plab kela boshlagan ishqibozlar bizning joriy yildagi eng katta yutug'imizdir

“Bunyodkor” – “Paxtakor” uchrashuvidan so'ng mehmonlar ustozi Shota Arveladze quyidagicha fikr bildirib o'tdi:  

"Tanaffusdan so'ng mana endi deyarli har 3-4 kunda o'yinlar o'tkazamiz. Bu bizga yaxshi sport formasiga kirib olish imkonini taqdim etadi. Shuningdek, bugun bizga qarshi bahs yuritgan “Bunyodkor” jamoasini maqtab o'tmoqchiman.

Ushbu klub tarkibda ko'p sonli yoshlar bilan bizga yaxshigina qarshilik ko'rsata oldi. Odatda ushbu ikki klubning qarama-qarshiligi hamisha qiziqarli ruhda o'tib kelgan. Bugun ham jamoalar tomoshabop o'yin namoyish etishdi.

Qolaversa, stadionga kelgan ishqibozlar ham o'yinga o'zgacha ko'rk berdi. Aytishim lozim, stadionga ko'plab kela boshlagan ishqibozlar bizning joriy yildagi eng katta yutug'imizdir. Umid qilamanki, ushbu holat mavsum bo'yi davom etadi", - dedi mutaxassis.