Dzyudochilarimiz Tbilisi xalqaro gran-prisida 2ta bronza medalni qo'lga kiritishdi
/ Kiritdi: BestMaster Ko'rilgan: 1320
29-31 mart kunlari Gruziya poytaxti Tbilisi shahrida dzyudo bo'yicha an'anaviy “Gran-Pri” xalqaro turniri bo'lib o'tdi. 52 ta davlatdan 371 nafar (204 erkak, 167 ayol) sportchi qatnashayotgan nufuzli musobaqada yurtimiz sharafini 6 nafar dzyudochi himoya qildi.
Turnirning birinchi kunida hamyurtimiz Sharofiddin Lutfullaev (-60 kg) Qozog'iston, Rossiya va Mo'g'uliston vakillarini mag'lub etib, yarim finalda frantsiyalik Velide Kxyarga imkoniyatni boy berib qo'ydi. Yakunda sportchimiz turnirning bronza medalini qo'lga kiritdi.
Musobaqaning so'ngi kunida yana bir vakilimiz -100 kilogramm vazn toifasida bahs olib borgan Muhammadkarim Xurramov ham birinchi davrada hindistonlik Avtar Singx, ikkinchi bosqichda mo'g'ulistonlik kuchli raqib Xangal Odbaatarni mag'lubiyatga uchratgan yurtdoshimiz chorak finalda gollandiyalik Mixael Korrelga yutqazib qo'ydi. Uchinchi o'rin uchun kechgan bahslarda frantsiyalik Kleman Delver va italiyalik Juliano Loporchioni mag'lub etib, musobaqaning bronza medaliga sazovor bo'ldi.
Eslatib o'tamiz, ushbu musobaqada dunyoning etakchi dzyudochilari medallar shodasi bilan birga Tokio Olimpiadasiga reytingochkolari uchun bahs olib borishdi.
Jismoniy tarbiya va sport vazirligi
Matbuot xizmati