PSJ sportdirektori: «Biz Rabo bilan kelishib olgan edik, ammo barchasi o'zgarib ketdi»

PSJ klubi sport direktori Anteru Enrike yarim himoyachi Adrien Raboning shartnomani uzaytirmagani haqida o'z fikrlarini bildirib o'tdi.

“Biz Raboning maslahatchilari bilan yangi shartnoma tuzish bo'yicha kelishuvga erishgan edik.  Ammo “Marsel” bilan o'yindan so'ng barchasi o'zgarib ketdi”, – deydi Enrike.

Eslatib o'tamiz, Rabo oktyabr oyida “Marsel” bilan o'yinda zahirada qoldirilgan edi.

Murabbiy Tomas Tuxel Raboning mashg'ulotga kechikib kelgani va Kilian Mbappening o'yin oldi majlisida ishtirok etmagani sabab shunday qaror qabul qilgan edi.