Muzokara o'tkazildi: "Barselona" Grizmanga shart qo'ydi

"Atletiko" hujumchisi Antuan Grizmann "Barselona" texnik direktori Erik Abidal bilan muzokara o'tkazdi. Bu haqda "Catalunya Radio" xabar berdi.

Manbaga ko'ra, tomonlar futbolchining Kataloniya klubiga o'tishini muhokama qilishgan. Grizmann jamoasini almashtirishga tayyor, ammo buning uchun "Barselona" uning tovon puli (120 mln evro)ni to'lab berishi kerak. Bundan tashqari, Grizmann o'tgan mavsumda "Barselona"ga o'tmay xato qilganini rasman e'lon qilishi lozim.