«Vest Xem» «Inter»dan Gabigolni sotib olishga tayyorlanmoqda

Braziliyalik hujumchi Gabriel Barboza faoliyatini Angliyada davom ettirishi mumkin.

Jurnalist Janluka Di Martsioning xabar berishicha, “Vest Xem” braziliyalik futbolchi transferi borasida “Inter” bilan kelishuvlarni boshlagan.

Jurnalistning ta'kidlashicha, hozirda muzokaralar muvaffaqiyatli kechmoqda. Gabigol ayni paytda Braziliyaning “Santos” klubida ijara asosida faoliyat olib bormoqda.

Eslatib o'tamiz, Barboza “Inter”ga 2016 yil kelib qo'shilgan bo'lib, u joriy mavsum Braziliya chempionatida 35 ta o'yinda ishtirok etib, 18 ta gol urgan.