Olga Zabelinskaya Kiprda yana bir oltin medalni qo'lga kiritdi

Xabaringiz bor, velosportchimiz Olga Zabelinskaya Kiprda tashkil etilgan » Aphrodite Cycling Race» xalqaro turnirida ishtirok etmoqda. Quvonarlisi, hamyurtimiz guruh poygalarida birinchi bo'ldi.

2:26:03 vaqt bilan Zabelinskaya marrani birinchi bo'lib zabt etdi. Ikkinchi o'rinni mezbonlar vakilasi Antri Kristoforou (+3:22) egallagan bo'lsa, rossiyalik Elizaveta Oshurkova (+3:28) kuchli uchlikni yakunladi.

Eslatib o'tamiz, Olga kecha yakkalik bahslarida ham oltin medalni qo'lga kiritgan edi. Qayd etish joiz, mazkur musobaqa Tokio-2020 olimpiadasi uchun reyting ochkolarini taqdim etadi.