Ronaldu elektr toki yordamida davolanmoqda

Yuventus hujumchisi Krishtianu Ronaldu Evro-2020 saralashi doirasida Serbiyaga qarshi o'yinda jarohat olgandi.

Futbolchi davolanishning noodatiy yo'lini tanladi. U tekar-terapiya yordamida muolaja olmoqda. Bunda bemorning jarohatlangan joyiga u his qilmaydigan darajada katta chastotali tok yuboriladi. Bu esa mushaklarning juda tez muddatda tiklanishini ta'minlaydi.

Ronaldu EChL chorak finali doirasida Ayaks ga qarshi o'yingacha to'liq sog'aymoqchi. U Empoli , Kalyari va Milan ga qarshi o'yinlarda maydonga tushmaydi.