Dzyudo. Sharofiddin Lutfullaev Tbilisi xalqaro gran-prisida bronza medalini qo'lga kiritdi (video)

Shu kunlarda Gruziya poytaxti Tbilisi shahrida dzyudo bo'yicha an'anaviy “Gran-Pri” xalqaro turniri davom etyapti. 52 ta davlatdan 371 nafar (204 erkak, 167 ayol) sportchi qatnashayotgan nufuzli musobaqada yurtimiz sharafini 6 nafar dzyudochi himoya qilmoqda.

Bugun turnirning birinchi kunida -60 kg vazn toifasidagi bahslarda hamyurtimiz Sharofiddin Lutfullaev tatamiga chiqdi. Yuqori reyting darajasi sabab birinchi davradan erkin o'tgan polvonimiz ikkinchi bosqichda qozog'istonlik Rustam Ibraevni mag'lub etdi, afsuski yarim finalda frantsiyalik Velide Kxyarga imkoniyatni boy berib qo'ydi.

Uchinchi o'rin uchun kechgan bahslarda Sharofiddin rossiyalik Yago Abduladze va mo'g'ulistonlik Ganbat Boldbaatarni mag'lubiyatga uchratib, bronza medalini qo'lga medali hamda Tokio Olimpiadasi uchun reyting ochkolarini qo'lga kiritdi.