Totti: "Men bilan o'ynash Salohga yoqar edi"

Italiyalik sobiq futbolchi Franchesko Totti "Liverpul" hujumchisi Muhammad Saloh bilan birga "Roma"da to'p surgan vaqtlarini esladi.

"U bilan o'zgacha munosabatda edim. Har doim mashg'ulot yoki o'yin vaqtida u menga shunday derdi: "Sen mutlaqo boshqa saviyadagi o'yinchisan". Unga men bilan o'ynash yoqar edi. U mutlaqo samimiy inson edi. U "Roma"ga ko'p narsa berdi. Hayotda muhim qarorlarni qabul qilish kerak va ularni hurmat qilish kerak", - deydi Totti.

Saloh 2015 dan 2017 yilgacha "Roma"da o'ynagan va 83 o'yin o'tkazib, 34 ta gol urgan hamda 24 ta golga to'p oshirgan. "Liverpul"ga 42 mln evro evaziga sotib yuborilgan.