Afrika Millatlar kubogi 1/4 finalning barcha ishtirokchilari aniqlandi

26 yanvar, chorshanba kuni Afrika Millatlar kubogining 1/8 final bosqichining so'nggi o'yinlari bo'lib o'tdi.

O'yinlardan so'ng Gambiya, Kamerun, Burkina-Faso, Tunis, Misr, Marokash, Senegal va Ekvatorial Gvineya chorak finalga yo'l oldi.

Endi 29 yanvar, shanba kuni Gambiya – Kamerun (21:00) va Burkina-Faso – Tunis (22:00) uchrashuvlari bo'lib o'tsa, 30 yanvar, yakshanba kuni Misr – Marokash (21:00), Senegal esa Ekvatorial Gvineya (00:00) bilan o'ynaydi.