"Barselona" yanvar oyida yana ikkita transferni amalga oshiradi

Kataloniyaning "Barselona" klubi Ispaniya terma jamoasi va "Yuventus" hujumchisi  Alvaro Morataning transferi borasida muzokaralarni davom ettirmoqda. Shuningdek, "Ayaks" himoyasisi Nikolas Talyafikoni ham o'z safiga qo'shib olishga qattiq bel bog'liginligi haqida Sport nashri xabar tarqatmoqda.

Manbaning yozishiga qaraganda, Morataning transferiga jamoa bosh murabbiyi Xavining shaxsan o'zi qiziqish bildirmoqda. Xavi Depayga ishonch bildirmayapti, Lyuk de Yongni esa Morataga munosib o'rinbosar sifatida ko'rmoqda. Shuningdek, Ansu Fatining jarohati Moratani transferini tezlashtirishga sabab bo'ldi.

Ayni paytda "Yuventus" Dushan Vlaxovichni sotib olishga yaqin turibdi va Morataga chiqish eshiklarini ko'rsatmoqchi.

Shuningdek, "Barselona" "Ayaks" bilan Talyafiko borasida faol muzokara olib bormoqda. Amsterdamliklar argentinalik futbolchini sotishni xohlamoqda, "ko'k-anorranglilar" esa ijaraga olish niyatida ekanligini yashirishmayapti.

Xavi har ikki futbolchini yanvar oyining oxirigacha jamoaga olib kelishni talab qilmoqda.