Mourino iste'fosidan keyin «Manchester Yunayted» aktsiyalari narxi keskin ko'tarildi

“Manchester Yunayted” aktsiyalari narxi murabbiy Joze Mourino iste'fosidan keyin 6 foizga ko'tarilib ketdi.

18 dekabrda Mourino iste'foga chiqarildi. Mavsum oxirigacha jamoaga avval “Molde”da ishlagan Ule-Gunnar Sulsher murabbiylik qiladi.

Ingliz klubi aktsiyalari narxi 18,39 dollarga ko'tarilgan. Vaholanki, 17 dekabrda jamoa aktsiyasi narxi 17,3 dollarni tashkil qilayotgandi.   

Mourino “MYu”ga 2016 yil yozidan murabbiylik qila boshlagan. U 2,5 yillik ishi davomida jamoa bilan 3 ta unvonni qo'lga kiritgan.