Futzal. O'zbekiston chempionatiga qur'a tashlandi

1 apreldan boshlab futzal bo'yicha XXII O'zbekiston chempionati start oladi.

Bugun yangi mavsumga qur'a tashlash marosimi bo'lib o'tdi. Aytish kerak, bu mavsum oliy ligada 12ta jamoa ishtirok etadi.

Bular – “Bunyodkor”, “Neftchi”, “So'g'diyona”, “Nasaf”, “Navbahor”, “Maksam-Chirchiq”, “Lokomotiv”, AGMK, “Paxtakor”, “Buxoro”, “Metallurg”, “Dinamo”.

Qur'aga ko'ra, “Bunyodkor” chempionatning ilk uchrashuvida “Neftchi”ga qarshi o'ynaydigan bo'ldi. Mazkur bahs 1 aprel kuni 14:00da boshlanadi. Xuddi shu kuni yana ikki o'yin o'tkaziladi. “So'g'diyona” – “Nasaf”, “Navbahor” – “Maksam-Chirchiq” bellashuvlari 16:00 va 18:00ga belgilangan.

Ta'kidlash joiz, uchrashuvlar poytaxtimizdagi “O'zbekiston” sport majmuasida o'tkaziladi.