"Barselona" de Ligt uchun "Ayaks"ga 4 ta futbolchisini bermoqchi

"Barselona" va "Ayaks" Matteys de Ligt transferi borasida muzokaralarni davom ettirmoqda.

"Catalunya Radio"ning yozishicha, golland klubi 19 yoshli futbolchi uchun nafaqat tovon puli, balki, "Barselona"ning 4 nafar futbolchisini ham olishi mumkin.

Xabarlarga ko'ra, "Barselona" birdaniga 4 nafar futbolchisi — himoyachilar Jan-Kler Todibo va Xuan Miranda hamda yarim himoyachilar Oriol Buskets va Rikard Puchni de Ligt uchun "Ayaks"ga ijaraga berishga tayyor.

"Barselona" himoyachi uchun 60 mln evro bermoqchi, "Ayaks" esa 100 mln evro so'ramoqda.