Savich angliyalik futbolchilarni tanqid qildi

“Atletiko” va Chernogoriya terma jamoasi himoyachisi Stefan Savich Angliyaning bir nechta futbolchilarini mag'rurlikda aybladi.

“Xenderson jiddiy to'qnashuvdan so'ng, “sarkazm” qilib, futbolchimizga o'yindan so'ng futbolkasini sovg'a qilishni aytdi.

Uning hatti-harakati chetdan juda hunuk ko'rindi. Biz o'zimiz bilan faxrlanamiz. Men ba'zi bir “burni baland” angliyalik futbolchilar bilan jamoadosh bo'lganimdan ko'ra, beshta gol o'tkazib yuboradigan jamoada o'ynaganim yaxshi”, - deydi Savich.