«Kelajagimiz umidlari». Navoiyda bolalar futbol festivali bo'lib o'tdi

Mamlakatimizda bolalar futbolini rivojlantirish, futbol ommaviyligini oshirish maqsadida O'zbekiston futbol assotsiatsiyasi tomonidan  “Kelajagimiz umidlari “ shiori ostida o'tkazilib kelinayotgan futbol festivali Navoiy viloyatida ham bo'lib o'tdi.   Festivalda 200 dan ortiq umumta'lim maktablarning o'quvchilaridan tashkil topgan  jamoalar  ishtirok etishdi.  Tadbirni tashkil etishda va uni o'tkazishda Navoiy viloyat bolalar va o'smirlar futbol akademiyasi rahbariyati va murabbiylari faol qatnashishdi.   Musobaqalar yakunida festivalning har bir ishtirokchisiga O'zbekiston futbol assotsiatsiyasi tomonidan futbol to'pi, ekipirovka va sertifikatlari topshirildi.