Bugun Bekobodda katta futbol bayrami bo'ladi!

O'zPFL tomonidan o'tkazib kelinayotgan Superliganing 2-tur o'yinlari boshlanishiga 1 kun qoldi.

Bugun Bekobodda yangi mavsum ochilishi tantanalari boshlanadi. XXVIII milliy chempionatning starti hamda xalqimizning eng sevimli bayramlaridan “Navro'zi olam” munosabati bilan “Metallurg” futbol klubi ishqibozlar uchun bayram dasturxonini yozgan. 

Tadbir soat 11:30 da “Metallurg” markaziy stadionini yonginasida joylashgan “Ziyoda” to'yxonasi – restoranida bo'lib o'tadi. 

Kunning ikkinchi yarmida, soat 16: “Metallurg” (sobiq A.Anoxin nomidagi) stadionida “Metallurg” – “Buxoro” jamoalari U 21 o'rtasida o'yin bo'ladi.

Ertaga esa voqealar rivoji “Metallurg” markaziy stadioniga ko'chadi. Superliganing 2-turdan o'rin egallagan “Metallurg” – “Buxoro” jamoalari asosiy tarkiblari uchrashuvi soat 20:15 ga rejalashtirilgan.