UEFA Ukrainaning 2ta o'yiniga texnik mag'lubiyat yozishi mumkin

Lyuksemburg va Portugaliya futbol federatsiyalari Evro-2020 saralash bosqichi doirasida bo'lib o'tgan Ukrainaga qarshi o'yin yuzasidan UEFAga shikoyat kiritishdi. Ularning fikricha, ukrainlar hujumchi Aluizio Moraesni mahalliylashtirish qoidasini buzgan.

Bu haqda UEFA rasmiy sayti orqali xabar tarqatib, bu borada surishtiruv boshlaganini ma'lum qildi. Tashkilot tartib-intizom qo'mitasi navbatdagi yig'ilishlardan birida mazkur masala yuzasidan qaror chiqaradi.

Agar qoidabuzarlik o'z isbotini topsa, Ukraina terma jamoasining Lyuksemburg va Portugaliyaga qarshi o'yinlari uchun texnik mag'lubiyat yozilishi mumkin. Shevchenko shogirdlari safarda Portugaliya bilan durang o'ynab (0:0), Lyuksemburgni mag'lub etishgandi (2:1).