Ahmedov faoliyatini «Navbahor»da davom ettirishi mumkin

Toshkentning “Paxtakor” klubi yarim himoyachisi Azim Ahmedov faoliyatini “Navbahor”da davom ettirishi mumkin. Bu haqda saytimiz xodimi Jaloliddin Qobiljonov xabar bermoqda.

Ma'lumotlarga ko'ra, namanganliklar kelasi mavsum ham faqat va faqat chempionlik uchun kurashmoqchi va mavsum oldidan tarkibini sezilarli darajada kuchaytirishmoqchi. “Lochinlar” bosh murabbiyi Andrey Kanchelskis o'z jamoasida “sherlar” futbolchisi Azim Ahmedovni ko'rmoqchi.

Eslatib o'tamiz, Azim Ahmedov avval ham “Navabahor” safida to'p surgan. Shuningdek, “Navbahor” “Paxtakor”ning yana bir sobiq hujumchisi Igor Sergeevga ham jiddiy qiziqish bildirmoqda.