«Bunyodkor» - «Paxtakor» uchrashuviga marhamat!

31 mart kuni "Sherlar" Superligada 2-tur bahsini o'tkazishadi.

Superligada mavsumni "Lokomotiv" ustidan ajoyib g'alaba bilan boshlagan jamoamizni bu turda yana bir Toshkent derbisi kutib turibdi. "Paxtakor" bu safar "Bunyodkor"ga qarshi maydonga tushadi. O'yin "Paxtakor" stadioniga ko'chirilgani haqida ma'lumot berilgan. Bellashuvda hamshaharlarimiz nominal mezbon sifatida harakat qilishadi. Biz esa doimo shiddatli kurashlar ostida kechib kelgan derbiga ishqibozlarni taklif etib qolamiz. Yakshanba kuni bo'lib o'tadigan uchrashuvda jamoalar hujumkor futbol namoyish etishlariga shubha yo'q. Chiroyli o'yinlar ko'rsatayotgan "Paxtakor" buni davom ettirishga intiladi.

31 mart, yakshanba kuni 17:00da boshlanadigan "Bunyodkor" - "Paxtakor" uchrashuvini o'tkazib yubormang!