Rangnik Angliya kubogida "Aston Villa" ustidan qozonilgan g'alaba haqida fikr bildirdi

Manchesterdagi "Old Trafford" stadionida Angliya kubogi 1/32 final bosqichi doirasida "Manchester Yunayted" "Aston Villa"ni qabul qildi. Mezbonlar g'alaba qozonishdi - 1:0.

"Manchester Yunayted" bosh murabbiyi Ralf Rangnik jamoasining o'yini haqida fikr bildirdi.

"Biz "Vulverxempton"dan uchralgan mag'lubiyatdan so'ng xulosa chiqarishga muvaffaq bo'ldik, buni hamma bizdan kutgandi. “Aston Villa”ga qarshi o'ynash qiyin bo'lishini bilardik. Birinchi bo'limda biz yaxshi o'ynadik.

Uchrashuvning ikkinchi bo'limida asosan qarshi hujumlarda o'ynadik va ayrim epizodlarda yaxshiroq harakat qilishimiz mumkin edi. Vaqti-vaqti bilan noto'g'ri qarorlar qabul qildik, ammo yarim himoyadagi tarkibni tikladik va o'yinni yaxshiroq nazorat qila boshladik.

So'nggi 20 daqiqada vaziyatni yanada ko'proq nazorat qildik va jamoaviy o'yin ko'rsatdik. Biz yaxshi g'alabaga erishdik va turnirning keyingi bosqichiga yo'l oldik", - deydi Rangnik BBC Sportga.