Bundesliga klubi polshalik futbolchini xarid qildi

«Volfsburg» Polshaning «Lex» klubi yarimhimoyachisi Yakub Kaminski transferini e'lon qildi.

19 yoshli futbolchi yozda nemislar safiga kelib qo'shiladi. U klub bilan 2027 yilgacha shartnoma imzoladi. OAV xabariga ko'ra, transfer summasi taxminan 10 million evroni tashkil qilgan.

Ma'lumot uchun, Kaminski joriy mavsum «Lex» safida 19 ta o'yin o'tkazib, 6 ta gol va 4 ta golli uzatmani amalga oshirdi. Yakub o'tgan yili Polsha terma jamoasida debyut qilgandi.