Xorazmda badminton bo'yicha O'zbekiston chempionati bo'lib o'tadi

Jismoniy tarbiya va sport vazirligi, O'zbekiston badminton federatsiyasi va Xorazm viloyati hokimligi hamkorligida joriy yilning 28 mart – 2 aprel kunlari Urganch shahrida badminton sport turi bo'yichayoshlar o'rtasida O'zbekiston chempionati bo'lib o'tadi.

Xorazm viloyatida ilk marotaba o'tkazilayotgan ushbu chempionatda Respublikamizning barcha hududlaridan kelgan 2003-2008 yillarda tug'ilgan 150 nafar o'g'il-qiz ishtirok etadi.

Shuningdek, Xorazm viloyati Turizmni rivojlantirish departamenti tashabbusi bilan chempionat davomida sportchi yoshlar bo'sh vaqtini mazmunli o'tkazish, mehmonlarni Xorazmning o'ziga xos tarixi bilan yaqindan tanishtirish, qolaversa, ichki turizmni rivojlantirish maqcadida viloyatdagi turistik ob'ektlar bo'ylab ekskursiyalar tashkil etish ham rejalashtirilgan.