Qatar chempionatida futbolchi o'yin paytida yurak xurujiga uchradi

“Al-Vakra” klubi markaziy himoyachisi Usmon Kulibali Qatar chempionatining 13-tur doirasidagi “Al-Rayan” bilan uchrashuvida yurak xurujiga uchradi, deb xabar berdi “AlKass” telekanali. 

Uchrashuv birinchi bo'limda to'xtatildi. 32 yoshli futbolchi zudlik bilan kasalxonaga yotqizilgan va uning ahvoli hozircha noma'lum.

Joriy mavsumda Kulibali “Al-Vakra” safida 16 ta o'yin o'tkazib, 1 ta gol urishga erishdi. Malilik avvalroq “Gingamp”, “Brest”, “Platanias” va “Panatinaikos” klublarida to'p surgan.