"Nyukasl" 3-liga jamoasiga mag'lub bo'ldi va Angliya kubogini tark etdi

"Nyukasl" Angliya kubogi 1/32 final bosqichida mag'lub bo'ldi va turnirni tark etdi.

Oktyabr oyi boshida Saudiya Arabistoni hukumati davlat investitsiya jamg'armasi tarkibiga kiruvchi tashkilot tomonidan sotib olingan jamoa Angliyaning uchinchi ligasi vakili "Kembrij" klubiga yutqazib qo'ydi (0:1).

Shunday qilib, Eddi Xau boshchiligidagi jamoaning g'alabasiz seriyasi 5 ta o'yinga etdi - avvalroq Premer-ligada "Nyukasl" "Lester" (0:4), "Liverpul" (1:3) va "Manchester Siti"ga (0:4) yutqazgan, shuningdek, "Manchester Yunayted" bilan durang o'ynagan (1:1).