“Atletiko” Tripper o'rniga “Arsenal” futbolchisini xarid qiladi

Madridning “Atletiko” klubi “Nyukasl”ga ko'chib o'tgan Kiran Tripper o'rniga “Arsenal” himoyachisi Sedrik Suareshni sotib olmoqchi. Bu haqda “talkSPORT” nashri xabar bermoqda. 

Manba bergan xabarga ko'ra, ispan klubi bosh murabbiyi Diego Simeone xorvatiyalik Shime Vrsalko bilan raqobatlashish uchun himoyaning o'ng qanotiga yana bir futbolchi sotib olmoqchi. “Atletiko” portugaliyalik himoyachini yanvarda ijaraga olishni va yozda sotib olish imkoniyatini ko'rib chiqmoqchi.

Suaresh“Arsenal”ga 2020 yilning yozida kelib, klubga erkin agent sifatida qo'shilgan edi. Joriy mavsumda futbolchi milliy chempionat va Angliya liga kubogi doirasidagi ettita uchrashuvda ishtirok etib, ikkita golli uzatmani amalga oshirdi. Suareshning ingliz klubi bilan shartnomasi 2024 yilda yakuniga etadi.