PSJning 8 nafar futbolchisi "Lion"ga qarshi o'yinda maydonga tushmadi

PSJning 8 nafar futbolchisi Fransiya chempionatining 20-turidan o'rin olgan "Lion"ga qarshi o'yinni o'tkazib yuboradi. Bu haqda parijliklarning rasmiy sayti xabar berdi.

Anxel Di Mariya, Leveyn Kurzava, Danilo Pereyra, Yulian Draksler va Janluidji Donnarummada koronavirus aniqlanganligi sababli karantinga olingan. Lionel Messi esa hali xastalikdan to'liq forig' bo'lgani yo'q. Neymar va Aleksandr Letele jarohatlaridan forig' bo'lishmoqda.

Ma'lumot uchun, "Lion" - PSJ uchrashuvi bugun Toshkent vaqti bilan 00:45 da start oladi.