Rasman! “Barselona” yangi transferni amalga oshirdi

Frankfurtning “Ayntraxt” klubi rasmiy saytida jamoaning qanot himoyachisi Fabio Blankoning “Barselona”ga o'tganini e'lon qildi. 17 yoshli futbolchi o'tgan yozda “Valensiya”ni tark etib, Frankfurt klubi bilan 2023 yilgacha shartnoma imzolagan edi.

Joriy mavsumda ispaniyalik futbolchi “Ayntraxt”ning 19 yoshgacha bo'lgan jamoasi safida 8 o'yinda maydonga tushib, 2 ta gol urdi va 1 ta golli uzatmani amalga oshirdi.