“Nyukasl” MYu hujumchisini ijaraga olmoqchi

“Manchester Yunayted” hujumchisi Antoni Marsyal “Nyukasl”ning navbatdagi transfer maqsadiga aylandi. “The Times” nashrining yozishicha, Angliya chempionati autsayderi joriy mavsum yakuniga qadar hujumchini ijaraga olmoqchi. 

Avvalroq, frantsiyalik hujumchiga Ispaniyaning “Sevilya” klubidan qiziqish borligi haqida xabarlar tarqalgandi, biroq muzokaralar jarayoni to'xtab qolgan.

Antoni bu yil Premer-liganing ettita o'yinida maydonga tushdi va bitta gol muallifiga aylangan.

Eslatib o'tamiz, “Nyukasl” kecha yanvar oyidagi ilk transferni amalga oshirdi. Himoyachi Kiran Tripper “qirqlik” safiga qo'shildi.