Legionerlarimiz. G'aniev zaxirada qolgan o'yinda "Shabab Al-Axli" imkoniyatni boy berdi

Birlashgan Arab Amirliklari Superkubogi final uchrashuvida "Al-Jazira" va "Shabab Al-Axli" jamoalari to'qnash kelishdi. O'yin asosiy vaqti 1:1 hisobida yakunlandi va tomonlar penaltilar seriyasiga murojaat qilishdi. Unda "Jazira" vakillari 5:3 hisobida zafar quchdi.

O'yinda "Shabab Al-Axli" tomonidan kiritilgan gol Muhammad Juma hisobiga yozilgan bo'lsa, Abdulloh Ramadon "Jazira"ning javob to'piga mualliflik qildi.

Hamyurtimiz Aziz G'aniev uchrashuvda ishtirok etmadi. U o'yinni zaxira o'rindig'ida kuzatib bordi.

BAA Superkubogi, final

"Al-Jazira" – "Shabab Al-Axli" – 1:1 (pen - 5:3)

Gollar: 65 - Muhammad Juma (0:1), 88 - Abdulloh Ramadon (1:1).

Manba: www.stadion.uz.