"Bavariya" Bundesliganing ketma-ket 65 uchrashuvida gol urdi

Germaniya chempionati 18-turidan o'rin olgan uchrashuvda “Bavariya” o'z maydonida Myonxengladbaxning “Borussiya” jamoasiga qarshi bahs olib bormoqda.

18-daqiqada myunxenliklar hujumchisi Robert Levandovski hisobni ochdi. Bu "Bavariya"ning Bundesligadagi ketma-ket 65-o'yinida kiritgan gol bo'ldi.

Shunday qilib, nemis grandi 2012 yildan 2014 yilgacha o'zi tomonidan o'rnatilgan turnir rekordini takrorladi.