Grizmann Umtitini qo'llab-quvvatladi

“Atletiko” va Frantsiya terma jamoasi hujumchisi Antuan Grizmann o'zining hamyurti va “Barselona”dagi sobiq jamoadoshi Samuel Umtitini omma oldida maqtadi.

30 yoshli hujumchi 2016 yilda Umtiti "Barselona"da "yangi Bekkenbauerga" aylanishi mumkinligini aytgan Erik Abidal bilan intervyuni o'z sahifasiga qayta joylashtirgan jurnalist Dide Rustanning so'zlariga Twitterda munosabat bildirdi. Rustanning so'zlariga ko'ra, hozir bu gaplar juda kulgili eshitiladi.

"Samuel bo'lmaganida, ikkinchi yulduz ham bo'lmasdi (gap Frantsiya terma jamoasining 2018 yilgi jahon chempionatidagi g'alabasi haqida ketmoqda, bu frantsuzlar uchun tarixda ikkinchi bo'ldi).

Umtiti bir yil davomida ajoyib formada edi, keyin esa bu murabbiylar tanlovi. U ibratli professional futbolchi. Barcha yosh frantsuz markaziy himoyachilari undan o'rnak olishsa arziydi”, – deb yozadi Grizmann.