Rangnik «Manchester Yunayted» kuchli to'rtlikka kira olmasligidan qo'rqadi: Qishda ketmoqchi bo'lgan futbolchilar yozgacha qo'yib yuborilmaydi

ESPN nashrining o'z manbalariga tayanib xabar berishicha, nemis mutaxassisi kiyim almashtirish xonasidagi yomon muhit tufayli «Manchester Yunayted» mavsum yakunida kuchli 4-likka kira olmasligidan xavotirda.

Bir qancha futbolchilar klubini o'zgartirmoqchi. Ole-Gunnar Sulsher qo'l ostida kam mashg'ulot o'tkazgan o'yinchilar Rangnik kelishi bilan vaziyat o'zgarishiga umid qilishgan, ammo endi ular yana kamdan-kam qo'llanilishini his qilishmoqda. Qishda ketmoqchi bo'lgan futbolchilar yozgacha qo'yib yuborilmasligi aytilgani «Manchester Yunayted»ning ahvolini yomonlashtirdi. Faqat Antoni Marsyal klubni tark etishiga ishonchi komil.

«Yunayted» Rangnikning 4-2-2-2 sxemasini shubha ostiga oldi. O'yin modelidan norozilik «Nyukasl» (1:1) va «Vulverxempton» (0:1) bilan muvaffaqiyatsiz o'yinlardan keyin kuchaydi. Manbalarning ta'kidlashicha, ba'zi o'yinchilar yakkama-yakka videodarsni noto'g'ri qaror deb hisoblashadi, chunki o'yinchilar endi jamoadoshlari qaerda bo'lishi kerakligini bilishmaydi.

Yakka tartibda o'tkazilgan suhbatda Rangnik o'z g'oyalarini futbolchilarga etkazish uchun mashg'ulotlarga etarlicha vaqt topolmaganini tan oldi.

Bundan tashqari, Maykl Kerrikning murabbiylar shtabidan ketishi jamoadagi muhitga jiddiy tasir qilgani aytilmoqda. U futbolchilar va klub rahbariyati o'rtasidagi aloqani ta'minlab turardi.