Isko Vlaxovichning jamoadoshiga aylanishi mumkin

Italiyada jurnalistlar Iskoning «Fiorentina»ga o'tish ehtimoli haqida yozishmoqda. Florentsiya klubi futbolchiga qiziqish bildirgan.

«Real» futbolchini minimal tovon puli evaziga yoki tekinga qo'yib yuborishga tayyorligini ma'lum qildi. 29 yoshli yarim himoyachi bilan yangi shartnoma imzolash imkoniyati yo'q.

Isko bu mavsumda Karlo Anchelotti qo'l ostida kam o'yin amaliyotiga ega. Futbolchi 2013 yildan beri «Real»da o'ynab kelmoqda.